მიმდინარეობს საიტის რეკონსტრუქცია!

გლდანი-ნაძალადევის რაიონის წარჩინებული მოსწავლეების დაჯილდოება

სსიპ საგანმანათლებლო და სამეცნიერო ინფრასტრუქტურის განვითრების სააგენტომ წარჩინებული მოსწავლეების დაჯილდოება დაიწყო. სწავლაში მიღწეული წარმატებისთვის სააგენტოს დირექტორის პირველმა მოადგილემ გიორგი შალუტაშვილმა  პერსონალური კომპიუტერით თბილისის  გლდანი-ნაძალადევის რაიონის 153   მეათეკლასელი   მოსწავლე  დააჯილდოვა.

წელს საქართველოს მასშტაბით 2971 წარჩინებული მოსწავლე დაჯილდოვდება. აღნიშნული კომპიუტერების შესასყიდად დაიხარჯა 4 076 212 ლარი.

პროგრამის ბენეფიციარებად განისაზღვრნენ საჯარო სკოლის მოსწავლეები, რომლებმაც საბაზო საფეხური (მე-7, მე-8 და მე-9 კლასები) წარჩინებით დაამთავრეს და მათი საფეხურის ნიშანია 10 ქულა (დამრგვალების გარეშე).

საქართველოს განათლებისა და მეცნიერების სამინისტროს მიერ მოსწავლეთა წახალისების პროექტი 2009 წლიდან  ყოველწლიურად ხორციელდება და მიზანს მოსწავლეთა მოტივაციის ამაღლება და ინფორმაციულ-საკომუნიკაციო ტექნოლოგიებზე დაფუძნებული სწავლა/სწავლების მეთოდების გაძლიერება წარმოადგენს. თანამედროვე ტექნოლოგიების ხელმისაწვდომობის გაზრდა, ნიჭიერ და შრომისმოყვარე მოზარდებს წარმატების მიღწევის კიდევ უფრო მეტ შესაძლებლობას აძლევს.